Arjeta Prendi ka qenë pjesë e ekipit të “Frashëri Law Firm” gjatë periudhës 10.11.2021-17.11.2022. Gjatë periudhës së stazhit të avokatit në Frashëri Law Firm, ajo tregoi nivel të lartë profesionalizmi, përkushtimi dhe aftësie analitike. U angazhua në përgatitjen e dokumenteve proceduriale, analizën e praktikës gjyqësore dhe asistimin në çështje të ndryshme ligjore. Nën mbikëqyrjen e avokatit, fitoi përvojë të vlefshme në fushat e së drejtës civile, tregtare dhe administrative. Gjatë praktikës, u dallua për korrektësi, përgjegjësi dhe respekt ndaj etikës profesionale.
Kontributi i saj në proceset kërkimore dhe analizat ligjore u vlerësua nga ekipi ynë. Ajo tregoi aftësi të shkëlqyera bashkëpunimi dhe komunikimi me klientët. Ishte gjithmonë gati të ndihmonte ekipin dhe të kontribuonte me ide të reja. Për ne, stazhi i saj ishte një periudhë e frytshme dhe inspiruese, që tregoi vlerat e një profesionisti të ardhshëm të drejtësisë. Përvoja në Frashëri Law Firm i mundësoi të thellojë njohuritë dhe të zhvillojë kompetenca praktike për ushtrimin e profesionit të avokatit.
Sot ajo është e punësuar si avokate në një zyrë avokatie dhe merret me çështjet civile dhe administrative.
Ajo flet për eksperiencën e saj në Frashëri Law Firm:
“Lidhur me praktikën në firmën ligjore Frashëri Law Firm mund të them se ka qenë një praktikë e cila jo vetëm më ka ndihmuar, por edhe kam mësuar shumë gjëra pasi avokati z. Kastriot Frashëri më angazhonte për çështje të ndryshme. Avokatit i them faleminderit për mundësinë që më ka dhënë dhe i uroj sa më shumë suksese”.