E Drejta e Biznesit dhe Korporatave

Ekipi ynë ligjor, prej shumë vitesh, ka këshilluar investitorët, sipërmarrësit, kompanitë dhe organizatat jofitimprurëse vendase dhe të huaja për të drejtat dhe detyrimet e tyre se si të bëjnë biznes, të hapin dhe të menaxhojnë një kompani në Shqipëri.

Përveç këshillave ligjore, pasi ne të kemi dëgjuar për idenë ose nevojat tuaja, ekipi ynë i avokatëve do t’ju ndihmojë në kohë reale dhe me standardet më të larta profesionale.

Shërbimet Tona Përfshijnë:

• Hartimi i dokumentacionit: Përgatitja e të gjitha dokumenteve të përshtatshme dhe të nevojshme ligjore siç janë Akt-Themelimi, Statuti i Shoqërisë, Regjistrimi i Biznesit, Marrëveshjet e Aksionarëve, Vendimet e Bordit të Drejtorëve, etj.
• Deklaratat Financiare: Përgatitja dhe përditësimi i dosjes së Deklaratës Vjetore së të Ardhurave të individit ose të shoqërisë, si dhe menaxhimi i të gjitha veprimeve financiare dhe të kontabilitetit.
• Transaksionet e Aksioneve: Hartimi dhe finalizimi i transaksioneve që kanë të bëjnë me blerjen ose transferimin e aksioneve.
• Përfaqësimi Ligjor: Përfaqësimi i kompanisë para çdo organi të administratës publike dhe gjykatës.
• Prokurimet Publike: Asistencë për përgatitjen e dokumentave të nevojshëm për pjesëmarrjen në tendera të ndryshëm dhe prokurime publike për nevojat e një kompanie shqiptare ose të huaj.
• Përputhshmëria Rregullatore: Ne sigurojmë asistencën e duhur ligjore ose informacionin e nevojshëm për ligjet rregullatore në fusha të veçanta, përfshirë dhe ndryshimet e ligjit.