ÇËSHTJE TREGTARE Histori suksesi: Avokati sfidon gjobën e Autoritetit Kombëtar të Ushqimit (AKU) në Gjykatën Administrative Sfondi i Çështjes Një biznes i vogël familjar në Korçë me aktivitet artizanal për përpunimin e qumështit (“Baxho”) u përball me një gjobë prej 300,000 lekësh nga Autoriteti Kombëtar i Ushqimit (AKU) pas një inspektimi të papritur. Trupa inspektuese pretendoi se ambienti i punës kishte mungesë ventilimi, prani lagështie dhe ndryshku, si dhe mungesë të dokumentacionit për lëndët e para. Pronari i baxhos mohoi akuzat, duke shpjeguar se: • “Myku” i pretenduar ishte tym nga drutë e zjarrit, pjesë e procesit natyral të stazhionimit të djathit; • Lagështia nuk ishte matur me asnjë pajisje shkencore nga inspektorët; • Dokumentet mbi lëndën e parë ekzistonin, pasi furnizimi bëhej nga fermerë lokalë me të cilët kishte marrëveshje dhe dokumentacion përkatës dhe jo me qumësht pluhur sikundër ishte paragjykuar nga ana e inspektorëve. Mungesat në procedurë Pas konsultimit me avokatin Kastriot Frashëri, u konstatuan shkelje serioze proceduriale dhe materiale nga AKU: 1. Inspektimi ishte i papritur dhe i pa justifikuar si “emergjencë”, siç kërkon ligji; 2. Procesverbali i mbajtur ishte i paplotë dhe i paqartë, pa udhëzime të qarta për përmirësime; 3. Pajisjet e baxhos ishin artizanale dhe nuk kërkonin regjistër mirëmbajtjeje, sipas vetë listës së verifikimit të AKU-së; 4. Garderoba ndodhej në një ambient të përshtatur ngjitur me baxhon – për shkak të hapësirës së kufizuar, jo si shkelje e standardeve. Po ashtu, AKU kishte marrë një mostër për analizë, por edhe pas një muaji nuk kishte asnjë përgjigje zyrtare mbi cilësinë e produktit – duke vënë në pikëpyetje gjithë qëllimin dhe transparencën e inspektimit. Procesi Gjyqësor Avokati përgatiti një padi të plotë administrative, duke kërkuar: • Shfuqizimin e të gjithë dokumentacionit dhe akteve të nxjerra nga AKU dhe MBZHR, përfshirë procesverbalin, vendimet për masën administrative dhe faturën e gjobës; • Shpenzimet gjyqësore në ngarkim të palës së paditur. Vendimi i Gjykatës Gjykata e Apelit Administrative në Tiranë, pas shqyrtimit të çështjes, vendosi: • Pranimin e padisë • Shfuqizimin e vendimeve dhe akteve të nxjerra nga AKU dhe Ministria përkatëse • Anulimin përfundimtar të gjobës prej 300.000 lekësh Vendimi është i formës së prerë dhe i pa ankimueshëm. Rezultati Ky është një shembull i qartë që edhe bizneset e vogla, kur përfaqësohen siç duhet, mund të fitojnë ndaj institucioneve shtetërore që shpesh veprojnë jashtë rregullave ligjore dhe pa prova të qarta vetëm për qëllime ndëshhkimi të padrejta. Respektimi i ligjit procedural dhe mbrojtja e të drejtave të qytetarëve dhe bizneseve janë shtylla e funksionimit të shtetit ligjor.

ÇËSHTJE TREGTARE

Histori suksesi: Avokati sfidon gjobën e Autoritetit Kombëtar të Ushqimit (AKU) në Gjykatën Administrative

Sfondi i Çështjes

Një biznes i vogël familjar në Korçë me aktivitet artizanal për përpunimin e qumështit (“Baxho”) u përball me një gjobë prej 300,000 lekësh nga Autoriteti Kombëtar i Ushqimit (AKU) pas një inspektimi të papritur. Trupa inspektuese pretendoi mungesë ventilimi, prani lagështie dhe ndryshku, si dhe mungesë dokumentacioni për lëndët e para.

Pronari i baxhos i mohoi akuzat, duke sqaruar se:

“Myku” i pretenduar ishte tym nga drutë e zjarrit, pjesë e procesit natyral të stazhionimit të djathit;
Lagështia nuk ishte matur me asnjë pajisje shkencore nga inspektorët;
Lënda e parë furnizohej nga fermerë lokalë me marrëveshje dhe dokumentacion përkatës, jo me qumësht pluhur siç ishte paragjykuar.

Mungesat në Procedurë

Pas konsultimit me avokatin Kastriot Frashëri, u konstatuan shkelje serioze proceduriale dhe materiale nga AKU:

Inspektimi ishte i papritur dhe i pa justifikuar si “emergjencë”, në kundërshtim me ligjin;
Procesverbali ishte i paplotë dhe i paqartë, pa udhëzime konkrete për përmirësime;
Pajisjet artizanale nuk kërkonin regjistër mirëmbajtjeje sipas listës së verifikimit të AKU-së;
Vendosja e garderobës lidhej me kufizimet e hapësirës dhe jo me shkelje standardesh.

Gjithashtu, AKU kishte marrë një mostër për analizë, por edhe pas një muaji nuk u dha asnjë përgjigje zyrtare mbi cilësinë e produktit, duke vënë në dyshim transparencën dhe qëllimin e inspektimit.

Procesi Gjyqësor

Avokati përgatiti një padi të plotë administrative, duke kërkuar:

Shfuqizimin e të gjithë dokumentacionit dhe akteve të nxjerra nga AKU dhe MBZHR, përfshirë procesverbalin, vendimet për masën administrative dhe faturën e gjobës;
Vendosjen e shpenzimeve gjyqësore në ngarkim të palës së paditur.

Vendimi i Gjykatës

Gjykata e Apelit Administrative në Tiranë, pas shqyrtimit të çështjes, vendosi:

Pranimin e padisë;
Shfuqizimin e vendimeve dhe akteve të nxjerra nga AKU dhe ministria përkatëse;
Anulimin përfundimtar të gjobës prej 300,000 lekësh.

Vendimi është i formës së prerë dhe i paankimueshëm.

Rezultati

Kjo çështje dëshmon se edhe bizneset e vogla, kur përfaqësohen në mënyrë profesionale, mund të fitojnë ndaj institucioneve shtetërore që veprojnë jashtë kornizës ligjore. Respektimi i procedurës dhe mbrojtja e të drejtave të bizneseve janë shtylla themelore të shtetit të së drejtës.