Avokate

Fatjona Lika është juriste prej vitit 2021. Ajo ka punuar fillimisht në Ministrinë e Drejtësisë. Ajo ka zhvilluar aftësitë e saj profesionale si specialiste në Drejtorinë e Kodifikimit dhe Harmonizimit të Legjislacionit me BE, duke prekur fusha të ndryshme të së drejtës administrative, civile dhe penale.

Si specialiste në sektorin e së Drejtës Administrative në Ministrinë e Drejtësisë së Shqipërisë ajo ka fituar njohuri praktike në fushën e së drejtës publike duke hartuar projekt-akte ligjore, formulimin e ndryshimeve të akteve ligjore, raportime mbi respektimin e të drejtave të njeriut, përafrimin e legjislacionit shqiptar me Bashkimin Europian, në kuadër të procesit të antarësimit të vendit në Bashkimin Europian.

Po ashtu, Znj. Fatjona Lika prej tre vitesh punon si përgjegjëse e sektorit juridik, prokurimeve publike dhe burimeve njerezore pranë një kompanie. Si juriste dhe avokate ajo është angazhuar për hartime kontratash, rregulloresh, kode, procedura për prokurimin publik, procedura prokurimi, hartim kërkesë padi, ankesa për institucionet publike, ka ofruar konsulencë dhe mendime te spacializuara në çështje të prokurimit publik, interpretimit të akteve ligjore dhe nënligjore, ndjekjen e aplikimeve dhe liçensim të kompanive etj.

Në vitin 2019 ajo ka përfunduar studimet Bachelor në Drejtesi në Fakultetin e Drejtësisë të Universitetit të Tiranës. Në Korrik 2021 ajo është diplomuar në “Master Shkencor” në E Drejtë Publike në Fakultetin e Drejtësisë, Universiteti i Tiranës.

Në vitin 2024 ajo ka fituar titullin Avokat nga Dhoma Kombëtare e Avokatisë së Shqipërisë.

Ajo është eksperte e hartimit të akteve ligjore dhe nënligjore, hartimit të kontratave, rregulloreve, kodeve, kërkesë padive, ankimeve, procedurave të prokurimit publik. Ajo është konsulente ligjore në disa fusha të së drejtës.

Ajo ka qënë pjesëmarrëse në konferenca dhe trajnime të ndryshme të organizuara nga Komisioni Europian në Tiranë lidhur me zbatimin e të drejtave të njeriut, sfidat e përafrimit të legjislacionit shqiptar me atë të Bashkimit Europian.