Histori suksesi: Avokati fiton çështjen ndaj një gjobe të padrejtë të vendosur nga Inspektoriati i Mbrojtjes së Territorit (IMT) – Bashkia Tiranë

Pas ngjarjeve tragjike të tërmetit të 26 nëntorit 2019 dhe shirave të rrëmbyeshëm që pasuan, shumë familje shqiptare u përballën me dëme të mëdha materiale. Një prej tyre ishte qytetari Sh.Ç, pronar i një toke në zonën e Farkës, ku djali i tij E.C ushtronte në mënyrë të ligjshme një aktivitet të vogël tregtar si bar-kafe.

Si pasojë e rrëshqitjeve masive të dheut, kodra u shemb plotësisht, duke marrë me vete pemë shumëvjeçare, duke mbuluar lokalin dhe duke dëmtuar murin mbrojtës të pronës.

Në këto kushte emergjente, Sh.Ç iu drejtua menjëherë autoriteteve të Njësisë Administrative Farkë dhe Bashkisë Tiranë. Pas verifikimeve në terren, autoritetet e pajisën me leje për kryerjen e punimeve të mirëmbajtjes së zakonshme dhe, me shkresën zyrtare nr. 4296/1, datë 26.12.2019, u konfirmua se këto punime nuk kërkonin leje ndërtimi.

Bazuar në këtë miratim, E.C nisi punimet për pastrimin e dherave dhe forcimin e murit ekzistues. Punimet u kontrolluan disa herë nga inspektorët e IMT Bashkia Tiranë, të cilët nuk konstatuan asnjë shkelje.

Megjithatë, rreth tre javë pas përfundimit të punimeve, inspektorë të IMT-së, së bashku me punonjës policie dhe oficer të policisë gjyqësore, kryen një verifikim të ri dhe pas disa ditësh vendosën ndaj Sh.Ç një gjobë prej 500,000 lekësh, me pretendimin se punimet ishin kryer pa dokumentacion.

• Sh.Ç nuk kishte kryer vetë asnjë punim, por djali i tij si subjekt tregtar i pavarur;
• Punimet ishin të ligjshme dhe të miratuara me deklaratë paraprake;
• Procedura administrative ishte shkelur në disa hapa nga IMT.

Në këtë moment, Sh.Ç kërkoi ndihmën e avokatit Kastriot Frashëri, i cili mori përsipër mbrojtjen ligjore të çështjes. Pas analizës së dokumentacionit, avokati evidentoi shkeljet procedurale dhe përgatiti kërkesë-padinë drejtuar Gjykatës Administrative të Shkallës së Parë Tiranë, duke kërkuar shfuqizimin e gjobës dhe pezullimin e zbatimit të saj.

Me përfaqësimin ligjor të avokat Kastriot Frashëri, u paraqit një padi formale me kërkesat:

• Pranimin e padisë;
• Shfuqizimin e vendimit nr. 0000, datë 11.02.2020 “Për Dënimin me Gjobë” të IMT, Bashkia Tiranë dhe anulimin e gjobës;
• Detyrimin e të paditurit për pagimin e shpenzimeve gjyqësore;
• Pezullimin e zbatimit të aktit administrativ si masë sigurimi.

• Pranimin e kërkesë-padisë;
• Shfuqizimin tërësor të vendimit nr. 0000, datë 11.02.2020 të IMT Bashkia Tiranë;
• Ngarkimin e shpenzimeve gjyqësore palës së paditur;
• Vendimi është i formës së prerë dhe i paankimueshëm, në zbatim të nenit 45/a të ligjit nr. 49/2012.

Kjo çështje është një shembull domethënës se si mbrojtja profesionale dhe këmbëngulja ligjore mund të korrigjojnë padrejtësi serioze të kryera nga organet publike. Falë përkushtimit të avokatit, një familje u shpëtua nga ndëshkimi financiar i padrejtë, rifitoi dinjitetin dhe u riafirmua parimi se ligji mbron ata që veprojnë me ndershmëri dhe besim në drejtësi.