Histori Suksesi: Fitimi i Padisë për Shpronësim dhe Dëmshpërblim ndaj Bashkisë Tiranë
Zoti T.L, pronar i një trualli me sipërfaqe 31.90 m², u përball me një situatë të padrejtë, pasi prona e tij ishte përfshirë në një projekt publik nga Ministria e Infrastrukturës dhe Energjisë, pa marrë kompensimin e duhur dhe pa u njoftuar për procedurat konkrete të shpronësimit.
Megjithëse kishte dhënë miratimin për vazhdimin e procedurave të shpronësimit, për vite me radhë ai nuk mori asnjë informacion, as shpërblim dhe as dokumentacion zyrtar që të provonte përfundimisht trajtimin e pronës së tij nga autoritetet për kompensim financiar për interes publik.
Kur klienti iu drejtua Bashkisë së Tiranës, mori një përgjigje të pasaktë sipas së cilës prona e tij “nuk ishte prekur nga projekti publik”, duke mohuar faktin që ajo ishte marrë tashmë në përdorim dhe ndodhej brenda zonës së zhvillimit.
Me përfaqësimin ligjor të avokatit Kastriot Frashëri, u përgatit një kërkesë-padi në Gjykatën Administrative të Shkallës së Parë Tiranë, me objekt:
- Pranimin e padisë;
- Konstatimin e shpronësimit për interes publik;
- Dëmshpërblimin e drejtë dhe të plotë për truallin 31.90 m²;
- Detyrimin e Bashkisë Tiranë për pagimin e shpenzimeve gjyqësore.
Pas shqyrtimit të fakteve dhe dokumenteve, Gjykata vendosi në favor të paditësit duke:
- Pranuar padinë;
- Detyruar Bashkinë Tiranë të dëmshpërblejë paditësin me shumën 1.276.000 lekë;
- Vendosur shpenzimet gjyqësore në ngarkim të Bashkisë.
Ky rast përbën një shembull konkret të mbrojtjes së së drejtës së pronës private dhe të suksesit të ndërhyrjes ligjore kundër mosveprimit të administratës publike. Falë ndërhyrjes së vendosur dhe profesionale të avokatit, z. Luto mori dëmshpërblimin e merituar për pronën e tij të zënë padrejtësisht.
Mos e lini shpronësimin e pasurisë tuaj në dorë të shtetit — Frashëri Law Firm ju mundëson, përmes rrugës gjyqësore, të përfitoni kompensimin që ju takon sipas ligjit.