Histori Suksesi: Një Divorc i realizuar në Rrethana të Dhunës dhe Braktisjes Familjare

Klientja jonë, znj. Th.Z, kishte lidhur martesë me shtetasin P.Z në vitin 1993. Gjatë jetës së përbashkët, çifti pati dy vajza dhe për një periudhë jetuan në emigrim në Greqi. Megjithatë, që nga viti 2010, pas kthimit në Shqipëri, marrëdhëniet bashkëshortore u përkeqësuan ndjeshëm për shkak të mungesës së kontributit financiar të të paditurit dhe sjelljes së tij problematike, duke e bërë bashkëjetesën të padurueshme për klienten.

Situata kulmoi me ushtrimin e dhunës fizike nga bashkëshorti, çka e detyroi znj. Th.Z të largohej sërish drejt Greqisë, këtë herë vetëm me dy vajzat e mitura, në kërkim të një jete më të qetë dhe më të sigurt.

Me ndihmën e avokatit, u përgatit dhe u depozitua në Gjykatë një padi për zgjidhje martese, e shoqëruar me kërkesat:

• Pranimin e padisë;
• Zgjidhjen e martesës me të paditurin P.Z;
• Rikthimin e mbiemrit të vajzërisë për znj. Th.Z.

Gjatë procesit gjyqësor, i padituri nuk u paraqit në asnjë nga seancat gjyqësore, duke reflektuar mungesë të plotë interesi për ruajtjen e martesës apo përmbushjen e përgjegjësive familjare. Ndërkohë, klientja deklaroi se nuk pranonte zgjidhje përmes pajtimit, duke kërkuar një ndarje të plotë dhe përfundimtare.

• Pranimin e kërkesë-padisë;
• Zgjidhjen e martesës midis palëve;
• Lejimin e rikthimit të mbiemrit të vajzërisë për paditësen;
• Mbulimin e shpenzimeve gjyqësore nga gjykata.

Falë përfaqësimit ligjor të kujdesshëm dhe mbrojtjes së të drejtave të saj, znj. Th.Z arriti të shkëputet nga një marrëdhënie e dhunshme dhe e pashpresë, duke siguruar pavarësinë, dinjitetin dhe një fillim të ri të sigurt për veten dhe fëmijët e saj.

Ky rast tregon qartë se ligji dhe drejtësia janë në dispozicion të atyre që kanë guximin të kërkojnë ndihmë, dhe se roli i avokatit është thelbësor në mbrojtjen e të drejtave themelore familjare.