Histori Suksesi – Anullimi i ndalimit 5-vjeçar të hyrjes në Gjermani dhe në Zonën Schengen

Një qytetar shqiptar, M.N., nga veriu i Shqipërisë, u përball me një situatë tepër të rëndë emigracioni, pas vendosjes së një ndalimi 5-vjeçar për hyrje dhe qëndrim në Gjermani dhe në zonën Schengen (Expuls).

Pas arrestimit në Bonn më 1 shkurt 2019 për qëndrim të paligjshëm dhe vjedhje, ndaj tij u vendos urdhër arresti, paraburgim për deportim dhe më pas dëbim më 14 mars 2019, duke përfshirë ndalimin e hyrjes deri më 14 mars 2024.

Çështja mori një dimension edhe më delikat për shkak të vajzës së tij 8-vjeçare, M., e cila vuante nga një defekt i lindur në zemër. Që prej vitit 2015, familja kishte udhëtuar disa herë në Gjermani për trajtime të specializuara në Sankt Augustin dhe më pas në Spitalin Universitar të Bonnit, ku ishte konstatuar nevoja për ndërhyrje të mëtejshme mjekësore, përfshirë kateterizimin kardiak – procedurë e pamundur për t’u kryer në Shqipëri.

Familja e M.N. iu drejtua avokatit Kastriot Frashëri, duke qenë e vetëdijshme se gjetja e avokatit të duhur është çelësi për zgjidhjen e çështjeve komplekse të emigracionit.

Falë punës intensive dhe profesionale të ekipit të Frashëri Law Firm, u ndërtua një strategji juridike e ndërlikuar dhe e mirëargumentuar, e mbështetur në:

• Argumentimin e domosdoshmërisë së rikthimit të klientit për trajtimin spitalor të vajzës;
• Paraqitjen e provave mjekësore të specializuara nga Spitali Universitar i Bonnit dhe Ministria e Shëndetësisë;
• Theksimin e interesit më të lartë të fëmijës, në përputhje me standardet e BE-së dhe legjislacionin gjerman.

Pas një komunikimi disa mujor me autoritetet e emigracionit të Republikës Federale të Gjermanisë, avokati ynë arriti një rezultat që fillimisht konsiderohej pothuajse i pamundur.

• Anullimi i ndalimit 5-vjeçar të hyrjes në Gjermani dhe në zonën Schengen;
• Krijimi i mundësisë që klienti të rikthehet menjëherë pranë vajzës së tij;
• Vazhdimi i trajtimit të specializuar mjekësor në Spitalin Universitar të Bonnit;
• Zgjidhje që respekton interesin më të lartë të fëmijës dhe standardet e të drejtave të njeriut në BE.

Nëse ndalimi do të mbetej në fuqi, babai i vajzës nuk do të kishte asnjë mundësi të garantonte trajtimin jetik të nevojshëm për shëndetin e saj.

Kjo çështje përbën një shembull të qartë të fuqisë së ndërhyrjes strategjike ligjore në çështjet e emigracionit dhe rikonfirmon reputacionin ndërkombëtar të Frashëri Law Firm.

Firma jonë është vlerësuar disa herë me çmime ndërkombëtare si “Avokati i Vitit” dhe “Firma e Vitit” për performancën e saj të shkëlqyer në çështjet e emigracionit, duke u renditur ndër firmat kryesore ligjore në Shqipëri në këtë fushë.