New Year’s Review NGA: STUDIO LIGJORE “FRASHËRI LAW FIRM | SFAI ALBANIA ”

(29 Dhjetor 2023)
Si çdo fund viti, po përballemi me momentin e ushtrimit të profesionit dhe të bërit të bilancit vjetor. Kjo ka të bëjë me jetën dhe veprimet tona të përditshme përgjatë këtij viti që po përcjellim. Dhe këto janë pjesë e Frashëri Law Firm | SFAI Albania. Për këtë arsye, si çdo vit, të qenit në kontakt me të gjithë partnerët, klientët dhe dashamirësit tanë është një kënaqësi e përsëritur. Kjo na lejon të analizojmë gjithçka që kemi bërë në 2023 dhe për projektet se si do t’i materializojmë idetë tona inovative në vitin 2024.
Sigurisht, që edhe në vitin 2023, kemi udhëtuar rrugën më pak të përshkuar nga kolegët tanë. Ne jemi përpjekur të ecim lart, në një moment të vështirë të sistemit të drejtësisë, teksa gjykatat e Shqipërisë vijojnë të jenë pa gjyqtarë dhe organi i akuzës pa prokurorë. Gjykatat e Apelit këtë vit pas miratimit të hartës së re gjyqësore janë shkrirë në një duke mbetur vetëm Gjykata e Apelit të Juridiksionit të Përgjithshëm Tiranë e cila po funksionon me vetëm ¼ e trupës gjyqësore si rrjedhojë e mungesës së gjyqtarëve, pas një reforme të nisur 6 vjet më parë “alla shqiptarçe” në sistemin e drejtësisë, jo vetëm të pa studiuar, por dhe që rezulton e dështuar dhe avokatia pothuajse është e falimentuar. Përpos kësaj gjendje të mjerueshme që karakterizon jetën në Shqipëri kur sistemi i drejtësisë është pothuajse në kolaps ku vetëm “Dhoma Penale” funksionon dhe mungesa e pavarësisë së gjykatave në dhënien e vendimeve është e dukshme ne jemi duke përdorur teknologjinë më të mirë dhe nuk e kemi lejuar veten të mashtrojmë nga rritja e ekzagjeruar e çmimeve, por, përkundrazi, kemi thelluar njohuritë dhe profesionalizmin tonë me ide të reja, projekte origjinale dhe teknologjinë më moderne në shërbim klientëve dhe kompanive të biznesit.
Sepse ne, Frashëri Law Firm, jemi pjesë e familjes së madhe SFAI Global, të cilët e kemi përcaktuar veten si konsulentë dhe avokatë përtej titujve që na kanë dhënë universitetet më të njohura në botë, në mënyrë që të ndihmojmë dhe t’u shtojmë vlerë klientëve tanë në çështjet juridike, ekonomike, financiare, organizative, administrative, ligjore ose të kapitalit njerëzor.
Sot, Frashëri Law Firm, rankohet në Top listën e shërbimeve profesionale në botë.
Studio e Avokatisë “FRASHËRI LAW FIRM” e nisi vitin 2023 duke marë pjesë në nisjen e programit njëvjeçar të festimeve në 100-vjetorin e Gjykatës Ndërkombëtare të Arbitrazhit të ICC. Në një letër dërguar nga organizatorët e këtij eventi të rëndësishëm ndërkombëtar drejtuar zotit Frashëri, vihej në dukje: “I dashur Kastriot, Ju lutemi bashkohuni me ne për nisjen e njëqindvjetorit të Gjykatës Ndërkombëtare të Arbitrazhit të ICC”. Për nder të këtij rasti, Dhoma Ndërkombëtare e Tregtisë – International Chamber of Commerce (ICC) shpalli një Deklaratë të rëndësishme për Parandalimin dhe Zgjidhjen e Mosmarrëveshjeve, duke përcaktuar vizionin dhe parimet e saj udhëzuese për të formësuar të ardhmen e zgjidhjes së mosmarrëveshjeve.
Po ashtu, me ftesë të Forumit të Lidershipit të Ontra, I nderuari Avokat Kastriot Frashëri, kreu i Frashëri Law Firm | SFAI Albania mori pjesë në Forumin e Lidershipit Ontra: Lundrimi i Transformimit Ligjor në Tregjet Private më 14 shtator 2023, May Fair Hotel, London, UK. Në ftesën e organizatorëve drejtuar z. Frashëri thuhej:”I dashur Kastriot, Mezi presim t’ju kemi në Forumin e Lidershipit Ontra: Lundrimi i Transformimit Ligjor në Tregjet Private më 14 shtator 2023!”. Dhe në këtë histori suksesi, vazhdojmë punën duke treguar kujdesin e duhur ndaj çështjeve të arbitrazhit. Të ngrihemi çdo ditë me idenë e gjenerimit të projekteve të reja për vete, për partnerët dhe klientët tanë në mënyrë që Frashëri Law Firm | SFAI Albania të vazhdojë të lulëzojë dhe të jetë një rrjet i admiruar avokatie dhe konsulentësh në sektorin e shërbimeve profesionale në gjithë gamën e legal service.
Është fakt, se Studio Ligjore “Frashëri Law Firm | SFAI Albania”, me shërbimet e saj profesionale që ofron në ligjin e brendshëm dhe atë ndërkombëtar, çdo ditë e më shumë ka tërhequr vëmendjen e subjekteve të interesuara brenda dhe jashtë Shqipërisë. Falë kualifikimeve, përvojës dhe eksperiencës profesionale të deritanishme na ka bërë të vlerësohemi nga disa institucione prestigjoze ndërkombëtare të cilat na kanë besuar për ti përfaqësuar ata në Shqipëri.
Viti 2023 do të konsiderohet një vit suksesi përsa i përket arritjeve profesionale të Frashëri Law Firm | SFAI Albania pasi Global Law Experts, UK ka përzgjedhur gjatë muajit Maj 2023 avokat Kastriot Frashëri dhe “Frashëri Law Firm” në Shqipëri si një avokat global i ligjit duke u dhënë atyre pozicionin e përfaqësimit ekskluziv të Çështjeve të Korporatave dhe Çështjeve Tregtare gjyqësore në Shqipëri. Kështu, nderuari Kastriot Frashëri i është bashkuar Ekspertëve të Ligjit Global si Avokat dhe Firmë e Rekomanduar dhe ekspert i çështjeve të Korporatave dhe Çështjeve Tregtare gjyqësore. Duke qenë pjesë e SFAI si epiqendra evropiane e SFAI GLOBAL, ne nxisim mundësi dhe lidhje të pashembullta në rajon në ndihmë të biznesit shqiptar duke u ofruar atyre shërbimet më të mira ligjore për tê ecur perpara dhe për të qene avokat i biznesit të tyre. Ëshë vlerë e shtuar për Shqipërinë që avokat Kastriot Frashëri dhe Frasheri Law Firm kuotohen në qendër të vëmendjes globale- Më të kërkuarit sot.
Po ashtu, një tjetër moment historik gjatë muajit shtator të këtij viti për Frashëri Law Firm, themeluesin dhe CEO e saj zotin Frashëri, ishte fitimi i çmimit vjetor dhe trofeut përkatës të Rrjetit të Avokatëve (“The Lawyer Network”), me qendër në Mbretërinë e Bashkuar si “Firma Ligjore e Vitit për Korporatat dhe Çështjet Tregtare në Shqipëri – 2023”. “Çmimet e The Lawyer Network në Mbretërinë e Bashkuar nderojnë kontribuesit e shërbimeve të avokatisë ndaj korportatave dhe trajtimin e çështjeve tregtare dhe ne jemi të emocionuar që i nderuari Avokat Kastriot Frashëri është mes tyre”-deklaroi kreu i TLN. Kjo arritje pasqyron edhe një herë përkushtimin kolektiv të Frashëri Law Firm | SFAI Albania, duke përforcuar angazhimin tonë të palëkundur ndaj përsosmërisë dhe inovacionit në shërbimet e saj profesionale.
Por vlerësimi ndërkombëtar për arritjet profesionale nuk përfundon këtu. Ne jemi të lumtur teksa shikojmë ditë pas dite të vlerësohen këto arritje, të evidentohen, të çertifikohen dhe të promovohen nga organet më prestigjoze dhe më të rëndësishme në botë, në fushën e ligjit dhe të avokatisë. Sot ne jemi krenarë pasi në numrin e Qershorit të Global Law Experts & Global Advisory Experts Newsletter -June 2023, e cila në rubrikën e saj kryesore “News & Views, Insight and analysis”, mbi temat kryesore, nga juridiksione të ndryshme në mbarë botën, i ka kushtuar një faqe veprimtarisë së Studios të Avokatisë “Frashëri Law Firm”. Po ashtu, një tjetër organ presigjoz ndërkombëtar si Revista “SFAI Europe MAGAZINE” e muajit Qërshor 2023 i ka kushtuar përsëri një hapësirë kësaj studio, duke vlerësuar se “Frashëri Law Firm është e vetmja studio ligjore në Shqipëri që zbaton Platformën e Inteligjencës Atificiale (AI) në profesionin e avokatit, lider në tregun e tyre për më shumë se 18 vjet, Frashëri Law Firm është bërë zyra juaj e vetme për zgjidhjet ligjore së të gjitha formave dhe madhësive”. Prezenca në Manualet dhe Buletinet Ndërkombëtare e Frashëri Law Firm ka qenë edhe në CorporateLiveWire- Handbook-2023, London, UK, e cila në edicionin e vitit 2023, ftoi të përfshihej në Manualin e saj, zotin Frashëri. Për të vijuar më tej me “Global Law Expert-2024 Handbook”, etj.
Le të festojmë së bashku arritjet tona! Ky është një vështrim i qartë për të ecur përpara me vendosmëri dhe arritje. Dr. Alfredo Spilzinger, Lord of Brownsel dhe President i SFAI Global menjëherë pas shpalljes si Firmë e Rekomanduar nga Global Law Experts përgëzoi kreun e zyrës sonë: “Urime Kastriot. Është përpjekja juaj dhe profesionalizmi i shkëlqyer”. Studio e Avokatisë “Frashëri Law Firm” çdo ditë e më tepër ka qënë në qëndër të vëmëndjes së institucioneve dhe organizatave ndërkomëtare për ekspertizën, profilin dhe shërbimet e saj me standarde të larta profesionale si një nga firmat më të mira ligjore në Shqipëri. Dhe historia vazhdon… Ja se si para pak kohe kemi marë një tjetër vlerësim të nderuar nga kolegët tanë në botë: “I dashur ekip Frashëri, ne takuam profilin tuaj dhe na emocionon të dimë se ju jeni një nga firmat më të mira ligjore në Shqipëri dhe do të dëshironim të shfrytëzonim rastin për t’u prezantuar”. Janë këto arritje profesionale që bënë që para dy muajve në adresë të Frashëri Law Firm të vinte ftesa zyrtare që të bëhej anëtare e plotë e Global Referral Network, duke i dhënë asaj që të mbajë përfaqësinë ekskluzive për çështjet e së drejtës së korporatave në Shqipëri brenda këtij rrjeti. Ky ekskluzivitet njeh ekspertizën tonë në këto fusha dhe ju jep një pozicion unik brenda komunitetit tonë.
Dihet se i nderuari Avokat Kastriot Frashëri, është anëtar i The British-Albanian Lawyers Association (BALA), e njohur si Dhoma e Avokatëve Britaniko-Shqiptarë në Londër e cila synon të nxisë bashkëpunimin ndërmjet avokatëve britanikë dhe shqiptarë me qendër në Mbretërinë e Bashkuar me qëllim që të promovojmë aksesin në drejtësi dhe sundimin e ligjit, si dhe të zhvillojmë lidhjet profesionale ndërmjet avokatëve në Mbretërinë e Bashkuar dhe atyre në Shqipëri dhe Kosovë.
Frashëri Law Firm | SFAI Albania dhe Av. Kastriot Frashëri, si avokat, studiues, publicist dhe aktivist i njohur i shoqërisë civile, prodhon komente dhe analiza për çështje të ndryshme. Ne kemi ofruar shërbimin tonë falas për të orientuar median se ku mund të drejtohet dhe të kërkojë opinione për probleme që lidhen me zbatimin e ligjit. Kjo dëshmon edhe një herë standardet e larta profesionale që lidhen me shërbimin ndaj klientit me objektivitetin, profesionalizmin dhe integritetin moral e professional, të treguar ndër vite nga avokatët e Frashëri Law Firm. Ne gjejmë rastin të falenderojmë median elektronike, si Ora News TV, RTV Ora, Fax News, Euro News-Albania, MCN TV, etj., si dhe shtypin, gazeta SOT, CNA-al etj, për hapësirën e dhënë, bashkëpunimin dhe për mundësinë e krijuar, që profesionistët të shpalosin mendimin e tyre dhe të njihen në komunitet.
Përgjegjësia sociale e treguar nga Studio Legale “Frashëri Laë Firm”, vlen të evidentohet edhe këtë vit për nga kontributi i dhënë për të ndihmuar njerëzit në nevojë. Ne kemi qenë të përkushtuar me përgjegjësinë sociale duke ndihmuar falas dhjetëra individë pa të ardhura të mjaftueshme dhe biznese të vogla përpara gjykatave ose administratës publike për zgjidhjen e problemeve të tyre, të cilët nuk kanë patur mundësi financiare të paguajnë një avokat.
Sjellim në vëmëndje të publikut në një moment ku në Shqipëri po spekullohet keqazi për qëllime politike mbi përdorimin e Inteligjineces Artificiale për procese pune në shërbimet e administratës publike për të cilat nuk ka ende një certifikim nga institucionet rregullatore ndërkombëtuare dhe jo më të përdoret në shërbimet publike të ofruara nga qeveria përmes platformës e-Albania se Frashëri Law Firm është e vetmja zyrë avokatie në Shqipëri që ofron prej vitit 2020 shërbime të personalizuara dhe inovative përmes Inteligjencës Artifficiale (AI) në trajtimin e dokumentacionit të klientit. Kthehemi për partnerët dhe klientët tanë më të fortë se kurrë dhe me shërbime të reja profesionale në fushën e Avokatisë, Taksave, Auditit dhe Kontabilitetit që i kemi vetëm Ne!
Falë ekskluzivitetit që kemi të Platformës së Inteligjences Artificiale në Profesionin e Avokatit FLF- AI Platform, çdo klient kursen 85% të kohës operacionale që do ti duhej në dispozicion dhe do të kursejë deri 80% kosto financiare në para.
Falë ekskluzivitetit që na jep SFAI, i cili rankohet në Top-listën e shërbimeve në botë, ne jemi pjesë e një Networku Ndërkombëtar të fuqishëm, duke ofruar shërbime profesionale në fushen e ligjit të taksave, auditit dhe kontabilitetit me standardet e ISA dhe të IAASB.
Ejani tek ne dhe provoni kujdesin e duhur “Due Diligence”, magjinë e shërbimeve ligjore me standartet më të larta profesionale, duke u ndjerë komod në një ekip ndërkombëtar profesionistësh. Frashëri Law Firm | SFAI Albania mbetet dhe është zgjidhja juaj më e mirë sepse më të mirë se ne nuk kemi parë!
Duke përfituar nga rasti, sjellim në vëmendje të publikut traditën tonë të besimit ndaj avokatit, mirësisë, përgjegjësisë sociale dhe standardeve të larta profesionale që karakterizon misionin e zyrës sonë!
Jam i bindur se kemi potencial të pakrahasushëm me tē tjerët për të arritur edhe më shumë sesa po arrijmë tani. Dhe në këtë histori suksesi, ne do të vazhdojmë punën në vitin 2024!
Me urimet më të mira për Ju urojmë Gëzuar Vitin e Ri 2024! Më shumë paqe, lumturi në familje, prosperitet personal dhe suksese të mëtejshme në aktivitetin tuaj të sipërmarrjes!
Me gjithë dashurinë time personale,
Kastriot FRASHËRI
CEO
Tirana Law Office – Frashëri Law Firm
Tiranë, 29 Dhjetor 2023
Për të lexuar këtë mesazh, ju lutemi klikoni linkun këtu:

https://www.facebook.com/share/p/7b9NsdKneSXcUoFZ/